सुर्खेत,२२ कार्तिक
तुलसी सेवा फाउण्डेशन,सुर्खेतको चौथो बार्षिक साधारण सभा शनिवार एक कार्यक्रमका बिचमा सम्पन्न गरिएको छ ।
प्रमुख अतिथि सुर्खेत जिल्ला बिकास समन्वय प्रमुख गंगाराम सुनारले “ संस्थाले समाजका विपन्नहरूको सेवा र सहयोग गरेर सराहनिय काम गरेको छ” भन्नु भयो।

तेस्तै वेशेष अतिथि म.प.विश्वविध्यालय सुर्खेतका पुर्व उपकुलपति पद्मलाल देवकोटाले  निस्वार्थ समाज सेवा गर्नु सबैभन्दा ठुलो काम भएको जुन काम यस संस्थाले गरिरहेको छ “ भन्नु भयो ।
राष्ट्रिय गान,सम्पुर्ण स्वर्गिय आमाहरू र ज्ञातअज्ञात सहीदहरू प्रति १ मिनेट मौन धारण पश्चात प्रमुख अतिथिबाट स्व.तुलसीदेवीको तस्बिरमा माल्यर्पणकासाथै दिप प्रज्वलित गरी कार्यक्रम उद्घाटन गरियो ।
सभामा रू १०लाखको तुलसी वेसहारा सहयोग अक्षय कोष स्थापना गरिएको, आजीवन सदस्यहरूलाई प्रमाण-पत्र वितरण गरिएको, ८,९३,५३७ को आय व्यय पास गरिएको, संस्थाको नाम संशोधन गरी “ तुलसी सेवा केन्द्र नेपाल” वीरेन्द्रनगर १, सुर्खेत बनाइएको,यस बर्ष १५० जना विपन्न बालबालिकालाई स्कुल ड्रेस र कापीकलम वितरण गर्ने लगायतको प्रगति प्रतिवेदन र प्रस्तावित कार्यक्रम पास गरिएको थियो ।

सभा कोषाध्यक्ष ज्ञानेन्द्रबहादुर विश्वकर्माको स्वागत, सचिव धनबहादुर चुनाराको संचालन र अध्यक्ष रगवीर विश्वकर्माको अध्यक्षतामा सम्पन्न गरियो ।